Medizin
D’Medizin (v. lat. ars medicina „Heilkunscht“; au Heilkund) befasst sich mit dr Gsundheit und mit dr Vorbeugig (Prophylaxe), Erkennig (Diagnostik) und Behandlig (Therapie, Linderig, Heilig) von körperlige (physische) und seelische (psychische) Erkrankige und Unfallschäde sowie mit Zügig, Schwangerschaft, Geburt und Tod.
[ändere] Konventionelli und alternativi Medizin
Mä unterscheidet zwüsche dr konventionelle und dr alternative Medizin. Die konventionelli Medizin basiert uf wüsseschaftlige Prinzipie und wird an Universitete unterrichtet und siini Praktiker wärde staatlig brüeft und lizensiert. Ihri Methode, au wenn si nit immer ganz verstande wärde, understönde Kriterie und müesse uf ihri Ergäbnis hi statistisch für ä Patient positiv si. Die konventionelli Medizin bedont physische Mittel und vernochlässigt hüfig die psychischi Komponänte vom Chranksii und Gsundwärde. Drzue chunnt, ass es Erchrankige git, wo si kei Mittel het für zum z hälfe. D Patiente füehle sich dorum mänggisch im Stich glo oder unverstande und wände sich an alternativi Heiler, wo sich mit grossem Ziitufwand ihne widme und uf ihri Ängst igöhn, au wenn die alternativi Medizin Mittel awändet, wo im allgemeine wüsseschaftlig gseh vo sehr chliinem Wärt si.
[ändere] Medikament
In dr Umgangsschprooch wird hüffig Medizin an Schtell vom Wort Medikamänt bruucht.
[ändere] Weblingg
Wikibooks: Regal: Medizin — Lern- und Lehrmaterialie
Wikiversity: Fachbereich Humanmedizin — Kursmaterialie, Forschigsprojäkt und wüsseschaftlige Usdusch
